تسقط الثورة ويحيا مبارك

استلقي مبارك علي سريره عقب عودته من المحاكمه .ثم نادي

علي أحد الضباط الموجودين خارج الغرفه ثم سأله |هل من أحد

اتصل بي ؟؟فأجابه الضابط قائلا |لا يافندم

فأستغرق مبارك في تفكير عميق ............حتي سمع رنين

التليفون بجواره فأمسكه بسرعه ثم ابتسم ابتسامة رضا علي

اثرها دب النشاط بكل جسده .حتي قام الي الدولاب الخاص به

وأخرج بدله سوداء اللون وأخذ يرتديها علي عجل وأخذ يرتب من

هندامه في مرآه قريبه ليطمئن علي وجاهته حتي قطع عليه هذا

الأمر طرقات عاليه علي باب غرفته فقطع الخطوات القليله الي

الباب بسرعه ليجد زوجته وولديه والسعاده تملأ وجوههم .وعباره

حمد الله ع سلامتك يا ريس كانت مشتركة فيما بينهم ...

تحولت المستشفي التي يقطن بها مبارك الي ثكنه عسكرية فالرتب

بجميع أنواعها اصطفت لاستقباله ..فأخذ يمر بينهم مشيرا اليهم

اشاره النصر ...حتي وصل الي باب المستشفي فوجد السياره

السوداء الفارهة في انتظاره هو وأسرته .وما ان اتخذ مجلسه

داخل السياره حتي بادرهم بهذا السؤال ايه الأخبار ؟؟؟؟

فأجاب نجله المقرب تعبنا قوي ياريس ع مخلصنا من الكابوس ده

وبصراحه الرجاله بتوعنا لهم الفضل الكبير في الي احنا فيه ..

ابتسم مبارك ابتسامه رضا وعقب قائلا |أنا كنت عارف انهم مش

هيتخلوا عني وعارف ان ولائهم ليه مش هيتغير ..وشويه العيال

الي كانوا شايفين نفسهم واتجرأو علينا عملتوا فيهم ايه ؟؟

هز ابنه رأسه قائلا |دول يا ريس حسابهم معانا كبير احنا بس

بدانا بالشعب وحشدنالك مليون واحد في ميدان التحرير عشان

تخطب فيهم ...وبعد كده هنتصرف مع شويه العيال دول

رد أبيه بعصبيه قائلا |العيال دول مغيبه ميعرفوش حاجه يسالوا

أهاليهم أنا مين ؟؟وعملت للبلد دي ايه ؟؟

بس لازم يتعلموا الأدب كفايه الي عملوه في البلد وحالها الي بقي

زفت ...

رد ابنه متأثرا |عندك حق يا ريس البلد بقة حالها كرب ويقولك

مجلس شعب .مجلس شعب ايه .وماله المجلس المجلس الي كنا

عاملينه ؟؟وحريه ايه الي عاوزينها هو كان في أكثر من الحريه

والأمان الي كانوا فيه ؟؟صحيح شعب ناكر للجميل

مبارك |مش مهم يا ابني الي راح ماهو الشعب مكنشي فاهم

المؤامرات الخارجيه وشوية العيال الي بيقبضوا من بره .واهم

دلؤتي فهموا لما عمت البلد الفوضي وانا حذرتهم بس مسمعوش

كلامي ..

رد عليه ابنه مؤكدا |عندك حق يا ريس الشعب بقي معانا لما شاف

كل يوم بلوه جديده وخصوصا بور سعيد والي حصل فيها

مبارك |متفكرنيش دي انا زعلت قوي ع ولادي الي ماتوا هناك

ماهي البلد سايبه يا ابني هو كان في حد يقدر يعمل حاجه زي دي

واحنا موجودين بس انا حذرتهم من الفوضي

رد نجله قائلا |ربنا يخليك للبلد يا ريس دي احنا من غيرك نبقي

في فوضي تضيع البلد كلها ..

اقتربت السياره من ميدان التحرير وأصوات المتظاهرين تصل

اليهم لتثلج صدورهم مرددة يسقط يسقط الثورا ......مع مبارك

هنكمل المشوار ..أخذت جميع من بالسياره نوبه من الضحك

والسعادة بكل معانيها ارتسمت بين جدران السيارة التي كانوا

يستقلونها ..حتي قطع ذلك صوت مبارك قائلا وهتعملوا ايه في

ميدان التحرير ؟؟؟؟؟؟؟؟؟؟؟؟؟

ردت زوجته قائلة | والله ياريس احنا شايفين بعد الخطاب الي

هتلقيه ع الشعب من التحرير اما نحوله مركز قيادة عسكرية أو

نجعله معتقل ننقل فيه كل الي هيتقبض عليهم من المتآمرين

والخونة عشان يكونوا عبره لمن يعتبر ..

قاطعها مبارك قائلا وهل سيكفي ميدان التحرير لكل هؤلاء ؟؟

فردت عليه زوجته قائلة سنضع فيه من كان فيه وتجرأ علينا ..

مبارك |عندك حق وايه يعني اتنين ثلاثة مليون مأهو بقية الشعب

معايا وبيأيدني .........

ناوله نجله مجموعة من الأوراق فسأله عنها فقال له انه الخطاب

الذي ستلقيه احتضن الأوراق بقوة .....................

حتي سمع طرقات علي باب غرفته فانتبه وأخذ يبحث عن الخطاب

فلم يجده. لم يجده ..انما وجد أحد لواءات الشرطة ممسكا بيده بدلة

زرقاء اللون فتعجب لهذا الأمر وسأل ما هذا ؟؟

فقال له الضابط احنا آسفين يا فندم ستنقل الي سجن طره ....الآن

علمتني الحياه ان اكون كالقطار يحمل راكبين فمن شاء النزول

نزل ومن شاء المكوث مكث لكن عندما ينطلق القطار لا يلتفت الى

من نزل وانما يهتم بمن بقي من الراكبين ...................

» هل تعلم كيف تسقط ذنوبك
» صحيفة مصرية - مبارك يحتضر
» تضارب حول حالة مبارك بين الوفاة السريرية والغيبوبة
» الرئيس المخلوع حسنى مبارك يهدد المسؤولين بالانتحار