رومنسي لبناني
صاحب الموقع
عدد المساهمات : 4504
تاريخ التسجيل : 12/09/2011
المزاج : رومنسي
 | | موضوع: الباستا بكرات اللحم وصوص الطماطم الأحد يناير 08, 2012 10:22 pm | |
|
مساء الخير والرضى من رب العباد
الباستا بكرات اللحم وصوص الطماطم ,, وجبه حلوه وسريعه وطعمها مايحتاج حبيت أشارك
فيها بمسابقة ستار شيف  كنت حابه اقدم شئ اقوى لكن الوقت ما أسعفني ابد 
اتمنى تنال اعجابكم ,, يارب 
نبدا  الاساسيه ,,
باستا النوع اللي تفضلينه انا هنا إستخدمت نوعين مختلفه
كرات لحم من أي منتج تفضلينه ا
زيت زيتون + جبن موزريللا او اي نوع جين تفضلونه
طماطم + بصل + ثوم وزنجبيل + فلفل حار + بقدونس وبصل أخضر
نبدا الطريقه ,, 
اولاً نضع كرات اللحم في صينيه مدهونه شوي زيت وندخلها للفرن تتحمر
نسلق الباستا بمويه وزيت وملح
الحين نجي لعمل الصوص نضع البصل المفروم والثوم والزنجبيل مع شوي زيت زيتون
على النار ونقلبه لحد مايذبل شوي
نضيف الطماطم ومعجون الطماط ونقلب الخليط
نضيف له البهارات اللتي تفضلين انا أضفت له
حبوب الخردل + بابريكا + ملح + شوي من جوزة الطيب + زعتر بري + وفلفل احمر
وشوي كاتشب "" إختياري ""
نضيفهم على الطماط ونضيف نص كمية البقدونس ونحرك الخليط نغطيه ونتركه لحد مايتسبك
لما يتسبك الصوص نبدا نضيف له كرات اللحم اللي تحمرت وطلعناهم من الفرن
ونسقطها بالصوص ونضيف الباقي من البقدونس مع البصل الأخضر المقطع قطع صغيره
نقلبه بهدوء ونطفي النار ونتركه على جنب لحد ماتجهز الباستا وتستوي ,,
الحين كل شئ جهز صوص الطماط بكرات اللحم والباستا
نطلع من كرات اللحم على جنب ونسكب الباستا على الصوص ونقلبه نسكبه في
صينيه بايركس ونضيف عليها كرات اللحم بطريقه عشوائيه
نضيف جبن الموزريللا وانا هنا أضفت له ملعقتين من الجبن السايل .. يطلع الطعم أحلى
كلما كنتي كريمه بكمية الجبن
ندخل الصينيه الفرن من فوق لحد ماتذوب الجبنه ,, وتشد الباستا معانا
هنا الصينيه جاهزه بس بقى التقديم
هذي النتيجه قدمت معاها الخس الامريكي ودقوق الفلفل الحار واللي يبي طريقته
يدخل هنيا
دقوس الفلفل الحار بزيت الزيتون " من مطبخي "
 
اتمنى ينال على إعجابكم وسواء فزت أو لا ,, يكفيني شرف التجربه
| |
|
الرئيسية 